منتدى ليبياأرس - عائلة ليبية تسكن خيمة

منتدى ليبياأرس (http://www.libyars.com/lrs/index.php)

- مواضيع عامة (http://www.libyars.com/lrs/forumdisplay.php?f=2)

- - عائلة ليبية تسكن خيمة (http://www.libyars.com/lrs/showthread.php?t=3204)

اقتباس:

المشاركة الأصلية كتبت بواسطة libyars (المشاركة 13274)

فعلا شي مؤسف مزال نشوفوا اشياء زي هادي, ليهم رب اسمة كريم.

بينا قالت راي معقول و كنت حنقترحه و اكيد الكل يبي يدير الخير من غير ما يشاور
والغرض من الاقتراح مش مشاورة بل الغرض هوا وضع الايادي مع بعض من خلال
هدا المنتدى لغرض واحد و هوا تجميع مبلغ مالي يساعد العائلة المنكوبة فعلا فيه الي ميقدرش يمشي لضروف معينه بس لما نسهلو عملية تجميع المبلغ حتكون حتما في صالح العائلة مهما كانت قيمة المساعدة فهم في حاجة لها الان.

اني نأيد راي بينا على اشراف gun على الموضوع الله يبارك فيه على طرحه للموضوع و لو مقدرش نحاولو نكلفوا شخص تاني. وياريت الي بيتبرع بملغ يحددة في المنتدى مفيش مانع من دلك ممكن حد يقول رياء اقول ليس كذلك فالاعمال بالنيات و الغاية انبل و اعمق بكتير.

طبعا ياريت كل حد يتبرع و كل على حسب الاستطاعة ميهمش الكم الي يهم محاولة
ازاحة جزء من الهم من على اكتاف عائلة ليبية!!!

ان شاء الله نبدء التجميع, الان وصلنا مبلغ 100 دينار.

طريقة تجميع المبالغ هي الخطوه التانيه بعد ما نشوفوا كم قدرنا نجمعوا ان شاء الله.

بارك الله في الجميع اصدقاء, اخوه و ابناء بلد واحدة.

كلام جميل واقتراح نبيل جدا من بينا ومن ليبياارس

انى قبل كل شى
حنمشى انى او مادمان نشوفوهم ونزيدو نتاكدو انه الدولة مادارت معاهم شى لانه لعل وعسى ربى هداهم ودارولهم حل

او بعدها نقوللكم انى او ماد مان امته نجمعو المبلغ او امته نسلموهم للعائلة

او بارك الله فيكم

في اوربت متاع ضمير العالم قالو

( ماتت قلوب الناس ماتت فيها النخوة , يمكن نسينا فى يوم انه العرب اخوة )

المقصد هوه

شنى الناس قلوبها ماتت ولا شنى ؟

خلاص وانا معاكم
كل واحد يطلع اللي يقدر عليه
ورح يكون قن حلقة الوصل بينكم
وفي التسليم رح نمشي انا وقن

يلا شباب اليوم السبت تاكد من مكان العيلة و بكره الاحد او الاثنين بعون الله يتجمع

المبلغ و يتسلم لمستحقيه.حتى لو وفقوا في الحصول على مسكن مزال يحتاجوا الكتير و

ان شاء الله نوصلولهم دعمنا المعنوي قبل المادي و ربي ان شاء الله يبارك فيكم شباب

ليبيا are us.

نحنوا في انتظارك قن انت وماد مان وربي يعاونكم على فعل الخير

وشكرا ليكم

ممكن نعارف طريقة توصيل المبلغ كيف رح تكون؟

:72::72:

قن مادمان

شن صار معاكم ياريت تعجلوا بالموضوع لان العيد الكبيرة قربت

انى اليوم ان شاء الله ماشى

ايه مش مشكلة من ناحيتي
المبلغ يا ريت يتسلم لـ قن
وبينا ابعتيلي المبلغ مش مشكلة وانا رح نوصلهم لـ قن

حاضر ماد_مان اليوم يكون عندك المبلغ

قن شن صار معاكم مشيت ولا لا

الله اعلم على قن
و(بينا ) بارك الله فيك وصلني ظرف فيه الفلوس منك
مشكورة وبعون الله خلي نتأكدوا قبل من مكان العيلة باش نوصلوهم
لانه قن قاعد مش متاكد من انهم قاعدين موجودين او لا

وقت ما يكون مش موجودين رح نبعتلك الظرف بعون الله
تحياتي