|
بما أنه الاسبوع هذا دور جليسة يلا تفضلى جاوبى بصراحة باه :( س1: ماهي امنيتك في الحياة؟؟ اتمنى ان يحقق اللة مرادكم ( امين ) س2:الموهبه المفضله عندك؟؟ الرسم س3:افضل عضو في المنتدي؟ وحق ربي كلكم مافي فرق :l57: س4:عضو عجبك ردوده ومواضيعه في المنتدي؟ قنوش (قن )من اول ماخشيت للمنتدي لفتلي انتباهي هلبة س5:عضو تتمني ايكون ديما في المنتدي؟ لورد وكل الجدد الي سجلوا ومعادش خشوا س6:لو خيروك اتكوني مديرة المنتدي شن ايكون ردت فعلك؟ مش حنوافق لان سهلة بالكلمة لكن صعبة بالفعل س7:عضو في المنتدي كسول وتتمني ايكون نشيط ويشارك في المنتدي؟ ماروكو:129: س8: عضو اتحس انو المنتدي كله متريح معاه ويحبه؟ مادمان س9:لو حبيتي اتكوني مشرفة شن هو القسم االلي تتمني اتكوني انتي المشرفة عليه؟ لا لا مانحبش لاشراف والحمد الله سادني قسم الترحيب |
جليسة بنحطلك اسئلة تشمل السؤال هدا
هل انتي صريحة ؟ وكم نسبة صراحتك ؟ وادا سالتي بسؤال محرج هل تجاوبي بي صدق او بي تصنع ؟ جاوبي لو جابتي بصراحة في اسئلة راح تربطك بالسؤال هدا ويبين مدي صدقك لازم اتجاوبي |
تعالى جاى جاوبى على اسئلتى يلا http://8thgradebtrack.pbworks.com/f/tutor2.jpg من هو او هى قدوتك فى الحياة ولماذا ( علل) ؟ :p ماهى مواصفات فارس احلام اللى ممكن تكون امه داعيتله او ممكن تكون داعية عليه ؟ هل مررتى بتجربة عاطفية ؟ ومادا كانت النتيجة ؟ ومادا تعلمتى؟ قصقصة من الاخير :l35::l35: ما اكثر موقف صعب واجهتيه فى حياتك؟ وكيف تخطيتيه ؟ :l3: من اكثر عضو او عضوة فى المنتدى تحسيه بانه قريب على شخصيتك ولو بنسبة قليله؟ مع دكر النسبه قداش فى المئه ؟ هل غير فيك المنتدى شى وماهو الشى ؟ ( اذكر 3 نقاط) :l24: ماهى اجمل كلمة سمعتيها فى حياتك؟ اخر سؤال هل تصلح جهازك ام لا ؟ ولمادا تريدين تصليحه؟ ولمادا اشتريتى واى ماكس؟ولمادا اعطيتيه لمادمان تحديدا؟ خلاص توة اسئلة بنوفرو شوية لى لورد http://3.bp.blogspot.com/_UYBdCVPzWk...instein123.jpg |
اقتباس:
ياحليلي منك ربي يستر وراك قصة |
من هو او هى قدوتك فى الحياة ولماذا ( علل) ؟ :p
امي لانها الصديقة والحبيبة وكل شئ اقرب انسانة علي قلبي ماهى مواصفات فارس احلام اللى ممكن تكون امه داعيتله او ممكن تكون داعية عليه ؟ انه اكون مخلص كازوج لزوجته مايرضي الله دينا وخلقا هل مررتى بتجربة عاطفية ؟ ومادا كانت النتيجة ؟ ومادا تعلمتى؟ قصقصة من الاخير :l35::l35: ايه مريت لاشئ تعلمت انه الزواج قسمة ونصيب ما اكثر موقف صعب واجهتيه فى حياتك؟ وكيف تخطيتيه ؟ :l3: هههههههه من قيمة 5 سنين مات خال بابا وحوشهم ورانا امشيت للجنازة اول مرةفي حياتي تمشيلهم وهما حوشهم عربي قديم هلبة وكان بحدا الحمام ( حاشاكم ) بير واني نحسابه صندوق لان من الخارج تقول صندوق المهم الحوش تعبي زحمة والكنادر والشباشب حايسات زعميتني فالحة ناخد وانحط في البير لي نحسابه صندوق والله وقتها ساهية مانندري علي روحي والي يطلع ادور في كندرته انقوللهم في الصندوق بحدا الحمام المهم سمعتني مرت خال بابا قالت اماصندوق وريتهولها قالتلي هدا بير انقلب العزي من بكاء الي ضحك اني انصمتت ونص الناس روحوا حفايا الي حد اليوم مانسيتاش وكل ما يشوفوني يدكروا الموقف :( من اكثر عضو او عضوة فى المنتدى تحسيه بانه قريب على شخصيتك ولو بنسبة قليله؟ مع دكر النسبه قداش فى المئه ؟ مانعرفش الحق هل غير فيك المنتدى شى وماهو الشى ؟ ( اذكر 3 نقاط) :l24: نفس النقاط لكتبتهملك من شوية ان ارد علي موضوع بما يدور في دهني ورسمه بطريقة واضحة لكي يفهمها غيري كيف استطيع التقرب الي لاشخاص واكسب محبتهم واخلاصهم وابادلهم نفس الشعور ماهى اجمل كلمة سمعتيها فى حياتك؟ هلبة كلمات اخر سؤال هل تصلح جهازك ام لا ؟ ولمادا تريدين تصليحه؟ ولمادا اشتريتى واى ماكس؟ولمادا اعطيتيه لمادمان تحديدا؟ ايه الحمد الله .لان مرة مرة يستاكه . بش نبدا 24 ساعة وجهي هني في المنتدي . اممممممم مش عارفة لان وقتها جت دوة وقالي لو تبي مافيش اي مشكلة رغم ان في حوشنا كانوا معارضين عليه لكن مجرد ما استشرتهم م جديد وافقوا هدا دليل علي مادمن وجهه خير عليا :129: خلاص توة اسئلة بنوفرو شوية لى لورد :(:(:(:l7::l7::l7::l7: دهشت وعييت من الكتيبة ارحموا من في لارضي يرحمكم من في السماء |
مشكورة جليسة على الصراحه وعجبتنى اللقطه متاع البير
تعرفى لو انى جيت او عزيت او جيت فى شبشبى الجديد او لوحتيه فى البير راهو لوحتك وراه كل شى الا شبشبى :129: |
1-دعوه صادقه من اعماق قلبك لمن تهديها ؟
2- ماهي التجربه التي تتمنى تكرارها ؟ 3- عيب شخصي تعترف بيه..؟؟ 4- الفضول وحب الاستطلاع......هل تراهم ميزة ام عيب؟؟؟ولماذا؟؟؟ 5- اجمل موضوع عاجبك؟ 6- من الشخص لما اتشوفيه تكرهي روحك؟؟ 7 - الى اين يأخذك حزنك ؟ 8 - هل انتى عاطفيه زيادة عن اللزوم ؟ 9- عضو شفتيه و عضو تتمني أتشوفيه ؟ 10-عضو يستحق الصداقه؟ 11- هل فى مره دراتي عركه وجو طرايح ؟وأمتى أخر مره دراتى عركه؟ :129: 12 -موقف مضحك صارلك ومش حتنسيه ؟ لتوا ياسر فيك |
اقتباس:
:93::93::93::93::93::93::93::93: |
دهشت دهشت حرام عليكم لاسبوع طويل عريض :4::4::4::4::4::4::4::4::4::4::4::4::4::4::4: |
اقتباس:
عينى عينك تبى اتطلع البنت ارهابية وتشر :129: |
| الساعة الآن 02:58 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd