|
برنامج صله للواى ماكس الشخصى المستورد من الخارج
السلام عليكم ورحمه الله وبركاته
من العنوان يعنى الوي مكسات الشخصيه لجيبينه اصحاب من الخارج ومخدمش امعاهم فى ليبيا برنامج صله هداممكن يمشى امعاهم ينزله عادى مثل اى برنامج صله فى سطح المكتب يدخل له اسم المستخدم وكلمه المرور الى جانب له امكانيه البحث على الترددات القويه لطغطيه ملاحطه برنامج صله هدا لايتبع شركه ليبيا للاتصلات والتقنيه حبيت ان تستفيدو من هدا ثم تجريبه على نوعان من الواى ماكس وخدم 100.100 هم موتورولا ZTE بتوفيق نرجو من خبيرنا mad manالتعليق وابداء الراى http://www.mediafire.com/?afh2bpaojelj84a |
بارك الله فيك أخي الكريم, البرنامج اشتغل معايا على واي ماكس زي تي أي من الخارج.
شكر وسلم ايديك |
منور خوي بارك الله فيك
اخيرا انحلت مشكلة زهرة طرابلس بالله شنو اسم الاجهزة الي عندكم بالزيط الموديل و ياريت صورة له |
منور يا عماد بارك الله فيك
تسلم على البرنامج وان شاء الله الناس كلها تستفيد منه |
خويا عماد بارك الله فيك مشكور جدا على البرنامج القيم وان شاءالله في مزان حسناتك
|
1 مرفق
السؤال للاخوة عماد ومالك, طبعا البرنامج شغال مية بالمية على يو اس بي امتاع شركة من أمريكا, بس نبي نسأل هل في اعدادات أخرى لزيادة السرعة. وشكرا
|
الشكر لله
اى معلومه على هدا البرنامج انى فى الخدمه ملاحطه لاتنسى تنزيل برنامج الرخصه ادا ماخدمش امعاك عن طريق تدخل على ايقونه السجل تم تدخل كلمه المرور وهى admin تم ايقونه المصادقه تم اختر تم اطغط على ملف الرخصه وهو LttWimaxUpgrade.pem تم دير حفط ايضا لمعرفه الترددات القويه لطغطيهادخل على ايقونه الترددات تم حدد على نقط ألى تم مسح وانتطر قليل حتى تخرج لديك مجموعه من الترددات اختر احد اقوى هده الترددات من خلال اايقونه اضافه تم حفط بتوفيق |
اقتباس:
لكن ممكن معرفه اقوى الترددات القويه والقريبه منك لزياده الطغطيه الى جانب ممكن تحول البرنامج الى العربيه ادا شاءت فى ايقونه حول ثم اختار واجه المستخدم بتوفيق |
اقتباس:
شكرا خويا عماد على الاجابات, بس كيف ممكن تعرف الترددات القوية من الضعيفة ؟ |
1 مرفق
ما هو أفضل تردد في الصورة وشكرا
|
اقتباس:
شوف اكتر رقم فىdB على سبيل المتال dB20 وتردد تانى dB15 الاقوى هو dB20 وهكدا اختار الترددات القويه فى dB ارجو ان وضحت الفكره بتوفيق |
اقتباس:
الرقم الاول بتوفيق |
https://fbcdn-sphotos-a.akamaihd.net...17866020_n.jpg
هادي افضل الترددات عندي بعد التردد 2535000 قست السرعة https://fbcdn-sphotos-a.akamaihd.net...73253085_n.jpg بعد التردد 2505000 قست السرعة https://fbcdn-sphotos-a.akamaihd.net...67699451_n.jpg https://fbcdn-sphotos-a.akamaihd.net...87398676_n.jpg وفيه شوية شروحات على السايت على الفيس بوك HACK LTT تحياتي |
امنور ياخبيرنا مالك
على الشرح الاكتر من رائع |
منور يا خويا مالك, سؤال هل الباندويدث يتعدل أو لا
|
شنو قصدك بيها ؟
يعني وضحلي اكثر لانه سؤالك شوي فيه زي ما تقول (شي تقريبا مستحيل ) لكن انت شنو تعرف على البانديث ؟ وشنو قصدك بيها هنايا ؟ تحياتي دكتور خالد |
اقتباس:
الدكتور خالد ؟؟؟ :74: والله خطير يا مالك ما شاء الله عليك المهم كنت نحساب الباندويدث يتعدل أو له علاقة بجهاز الواي ماكس. |
اقتباس:
وهو دكتور وليا توا قريب سنة ما تلاقيتش معاه اسف على الغلط تحياتي khaled |
اقتباس:
فعلا أنا طبيب بس هدا اول اشتراك ليا في المنتدى , مافيش داعي لاي اسف, وتقبل مروري |
مرحبتين بيك يا غالي
الطبيب خالد |
السلام عليكم ،، بارك الله فيك على النقل ،، لكن كان من المفروض انك اتقول ان البرنامج واخده من شخص تانى ،،، :l30:
مش اتخلى الجماعة تحسابك انت اللى امعدل عليه،، ههههههههههههههههههههه :lrs11: على العموم المهم ان البرنامج هذا حل مشاكل الناس اللى تعانى من الاتصال بالانترنت باجهزة مستوردة ،، ملاحظة البرنامج هذا يخدم على اغلب اجهزة اليو اس بى من الخارج لكن يبى تعديل بسيط،،، ملاحظة تانية البرنامج امعدل على البحث على تردد واحد بس، ولما ايحصله ايدير بحث على الترددات الكويسة ويعلق عليها،، لكن لو التردد الرئيسى ضعيف فى جهتك يجب عليك ان تضغط على البحث عن الترددات فى البرنامج،،والافضل انك اول ما اتوصل اليو اس بى تضغط على البحث على الترددات وبعد ما ايكمل اضغط على اتصال وراح يعلق على افضل تردد،،والترددات الموجودة ما تمسح منها شئ،، لانه لو مسحت منها واشتغلت معاك اللى قاعدة مش ممسوحة،، لو غيرت مكانك والا الشركة غيرت التردد اللى فى المحظة اللى في جنبك مش راح اتحصل تغطية ولا شئ ،، والباندويدت خليه زى ما هوا،، بالتوفيق،، |
troy_yy
صح كلامك لكن اللي لاحظته في معظم الانتينات يخدموا على ترددين بس |
الاغلب يخدمو على تلاتة ،، الحق نتورك الوايماكس معنديش عليها خبرة كويسة،، لكن كل انتية ليها ترددات معينة،، وفى العادة لكل محظة تلاتة سيكتور او اتنين،، وكل سيكتور ليه تردد،، فعادة توصلك تغطية جهاز الوايمكاس لتلاتة ترددات ، واذا كنت فى منطقة ما بين زوز محظات يمكن تحصل حتى اربعة ترددات،،
البرنامج فى الاصل كان ما يخدمش ولا على تردد، وكان لازم ادير بحث يدوى كل ما اتركب جهاز الوايمكس، بعد فترة وصلت لطريقة اتخلى الجهاز يبحث على تردد معين وبعدين ايدير هانداوفر لترددات احسن منه،، لكن المشكلة مرات التردد هذا ما ايكونش عنده تغطية بكل فى جهة وجود جهاز الوايماكس، والمشكلة التانية فيه محطات ما اديريش فى الهانداوفر فيقعد الجهاز عالق على التردد الضعيف،، افضل شئ ادير بحث يدوى اول ما اتوصل جهاز الوايماكس بالكمبيوتر فى حالة التردد اللى علق عليه اقل من 20db ومع اكثر الاستعمال راح تعرف روحك هل انت عالق على التردد القوى اللى فى جهتك والا لا من قوة الاشارة،، توا انا فى الحوش التردد فى حدود 20 -24 وفى العمل فوق ال30 |
اقتباس:
وتانى شى اقراء ردودى قبل بعدين احكم انى ماقلتش انى امعدل عليه مش عارف منين جايب هل الكلام ابدا لم اقل انى امعدل عل البرنامج تاكد من المعلومه قبل اخى وبعدين اتفلسف الى جانب الشخص لى قلت واخدا منا تى حتى هو واخدا سلم الصنيين والكوريين لى في شركه هواى هم من عدلو عل البرنامج ولعلمك هدا البرنامج قديم جدا نزل اول صله لى الواى ماكس في تلك الفتره تحياتى |
والله ما عدله لا صينى لا كورى ولا باكستانى ولا حتى تشادى،، انت شوف ردود الاعضاء كلهم ،، وانت كنت اتشوف فيها وفرحان،، وما قولتش ان البرنامج هذا واخده من حد تانى،،
اكثر من شهر من الخدمة عليه بش تعدل ووصل للصورة هذى، وكنت بنرفعه للمنتدى فى الفترة هذيكه وتقدر اتشوف مواضيعى بالمنتدى،، لكن الفترة هذيكه انشغلت هلبة وانسيت المنتدى هذا مرة واحدة،، وسبب دخولى اول امس هو البحث عن باسوورد لواحد من اجهزة الال تى تى،، فالقيت موضوعك ولما حملت البرنامج القيته نفسه حتى بالايقونات اللى امعدل عليها،، انا مطلبتش الا انك تذكر انك ناقله مش اتسكت على الموضوع بش اطلع روحك امدير شئ انت مش بادل فيه جهد بوكل،، سلام |
مشكور ع البرنامج بالفعل رائع المهم الاستفادة حصلت بارك الله فيكم
|
مشكورين الاثنين بارك الله فيهم emad2050 و troy_yy :72:
هما الاثنين رغم من انه كل واحد في اتجاه معاكس :l57: :اجتماع: بس المهم الاستفادة من هدا البرنامج :93: انا تبي الحق البرنامج هدا استفدت منه هلبا :l6: ياريت كان troy_yy نزل البرنامج قبل :lrs2: لكن عماد سبقه بس :l27: هدا ما في القضية :93: وان شاء الله يستفيد غيرنا فيه:72: المهم بارك الله فيكم الاثنين :72: |
السلام عليكم ورحمة الله
يا أخوان ان شاء الله كلكم أجركم حاصل ..بس المهم ما حد يزعل من حد عندي معلومة ممكن أتفيد .... برنامج الواي ماكس اليواس بي الاخير Huawei EchoLife 328 USB يشغل في جميع أجهزة اليواس بي اللي جربتهن عليه : هاواوي ..موتورولا ..زتي اي ..وحل حتى جميع مشاكل اليواس بي القديم متاع شركة ألكاتيل... بس لازم أو مرة تخلي الكمبيوتر يتعرف على اليواس بي من النت . بعد التجربة لقيته الانترنت أقوى بس مشكلة البحث اليدوي عن الترددات موجودة أيضا المهم البرنامج الاصلي امتاع الشركة بدون أي تعديل وملف الرخصة الاخير نازل من عند الشركة مدمج فيه ....رفعتلكم البرنامج لان الشركة مش أمنزلته في الموقع ... في انتظار أراكم وردودكم http://www.mediafire.com/?8ts6315clghds3l |
wimax motorola usb 35100
wimax motorola usb 35100 هل يوجد حل للجهاز لايشتغل جربت برنامج الصلة الخاص بي عماد لا يعمل لاتوجد اشارة
|
هل ممكن ان تدمج هدا البرنااامج مع الواي ماكس ؟؟؟ يعني اول ما تركب الواي ماكس ف جهااز تاني يطلع ال setup طول ؟؟؟
|
اقتباس:
|
:91: اولا نحب نشكركم لان البرنامج رجعللى الامل 50% عالاقل التغطية اصبحت تطلع رغم ان مايفتحش معايا النت:l3: لكن حاسة روحي فرحانة شوية :l53: والمشكلة التغطية تقعد شوية وتهرب موش ثابتة .... نوع الفلاش اللى نستخدم فيه clear 4G wimax انى عندي واي ماكس منزلي وشريت هالفلاش على اساس نقدر نتنقل بيه :9:
فيااااااااااااااااريت استاذ عماد او اى شخص تانى يقدر يساعدنى نكون ممتنة وشكرا ليكم |
اقتباس:
password : admin اضغط على Auth امام ال Root Certificate اضغط على Select اختار الملف اللى راح يطلع قدامك ،، بعدين اضغط Save لو ما امشاش معاك ،، نزل ملف الرخصة من موقع الشركة ، وبعدين فى خطوة اختيار الملف اختار الملف اللى نزلته من الشركة،، وان شاء الله راح تمشى الامور،، فى البرنامج فيه خيار البحث على الترددات،، كويس بش يبحث الجهاز على كل الترددات المحيطة بيك ،، بعد ما ايكمل البحث دير كونيكت،، |
اقتباس:
|
اقتباس:
|
اقتباس:
|
اقتباس:
|
| الساعة الآن 11:13 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd