|
التغييرات الجديدة في شركة ltt مع أسعار خدماتها
جديد ما ورد الينا من شركة LTT بخصوص الواي ماكس
يعني توا تقدر تشري الواي ماكس اليو اس بي 160 دينار مع اشتراك شهر يعني المودم 120 + اشتراك شهر 40 دينار المجموع الكلي = 160 دينار والجهاز الثاني متاع اكثر من كمبيوتر نفس الشي بس سعر الجهاز بروحه 220 دينار + اشتراك شهر 40 دينار = 260 دينار واجهزة الوايرليس متاع الواي ماكس قاعدة غير متوفرة لكن في الجهاز الاسود اللي يقولوله الخلاط تقدر تضيفله اكسيس بوينت بعدين يعطي وايرليس والاكسيس بوينت سعر يتراوح بين 85 الى 135 دينار تقريبا حسب النوعية والماركة بس لازم تتغير اعدادات الاكسيس بوينت باش تتماشى مع الواي ماكس تبيله خبير شبكات زيي :l17::p وهذا اللي جانا وكلاء ال تي تي اليوم اللي هو 11/07/2010 بعد التحية والسلام :- تعلمكم شركة ليبيا للاتصالات والتقنية باعتماد أسعار.بيع خدمة ليبيا ماكس (WiMax) بالنظام الشهري. بحيث تصبح قيمة الاشتراك لأول مره كالتالي :- 1. مودم USB 120 د.ل+40 دينار الحصة الشهرية. 2. مودم CPE 220 د.ل+40 دينار الحصة الشهرية. وعلى دالك يقوم المشترك بتعبئة رصيده بقيمة 40 د.ل شهريا,وفي حال تأخر المشترك في تفعيل اشتراكه فتره تجاوزت 30 يوم,يقوم بدفع 5 د.ل عن كل شهر كغرامة تأخير. ونعلمكم انه سيتم البدء في البيع حسب ماورد إليكم .خلال الأيام المقبلة. ---------------------------------------------- لإخوة وكلاء شركة ليبيا للاتصالات و التقنية بخصوص البريد الالكتروني الممنوح مجاناً للمشتركين يرجى التقيد على إدراجه في العقود الجديدة بصيغة username@lttnet.net بدلا من الصيغة username@ltt.ly |
امممممممممممممممممممم يعني انا فهمت انه ما فيه دفع مقدم بس صح :اجتماع: طمني و قول صح |
حسب ما سمعت ان هذا العرض لمدة شهر بس يعنى ابتدا من 11-7 الى 11-8
هل هذا صحيح ام لا مشكوووووور mad man على الخبررررررررررررر |
اهلا بيك
لا هذا العرض يستمر الى يومنا هذا وبعد من هكي الفكرة وين كانت لازم تشري سنة مع الاكونت لكن توا تقدر تشتري قداش ما تبي من شهور |
اقتباس:
اسف على التاخير في الرد كلامك مزبوط يعني مافيش سنة مقدم 160 دينار فيهم شهر وبعدين قداش ما تبي شهور تقدر تاهدي كروت |
والله بارك الله فيهم .باهي اللي جت منهم تزغرط ..الصراحة وضع الشعب الليبي من الناحية المعلوماتية مزري ...والله عندنا ناس تقدر تتغلب علي العرب التانيين بكل سهولة لولا عد توفر سبل الغوص في النت او لغلائها او للمشكلة الجديدة اللي هي الحصة المخصصة
اني واحد من الناس 10 جيجا في 4 ايام نكملهم ....معاش يوكل التصفح توا ( internet=download) ومنور لكن قولي خوي مادمان..الحصة 10 هي ولا؟ مش كانت 7...ولو تمت قبل انقضاء الشهر قاعد الكرت يجيبلك 500 ميجا ولا عدلو فيه؟ |
اقتباس:
دماغه فى الكمبيوتر تبارك الرحمن وانى حكمت عليه من معرفة شخصية او متاكد انه لو سافر الخارج لاى بلاد اوروبيه رح يستفيدو منه هلبه لانه لايستهان بيه بصراحه انى عن نفسى مسميه مستر داهية :129: وان شاء الله الواحد يوصل الى ماوصل ليه واكثر |
مزبوط كلامك خوي gun اني اهو ليا يومين في المنتدى وأبهرني اسلوبه الرائع و وساعه باله، النت كل درته علي مشكله في الواي ماكس مالقيت كلام مشجع و منطقي إلا في موضوعه
ربي يحفظكم و نورت العقول أكتر وأكتر |
اقتباس:
|
| الساعة الآن 12:03 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd