|
مشاكل أجهزة واي ماكس ليبيا و اى دي اس ال في ليبيا مع الحلول
في هده الصفحة سأضع معضم تجاربي مع الواي ماكس والحلول المتبعة في محلات الصيانة والافضل اجهزة ظهرت الى حد الان
اولا كان موقع ليبيا للواي ماكس على الموقع التالي www.libyamax.ly بس تحول الى www.ltt.ly المدة الاخيرة وصارت فيه تغييرات في الابديت لاجهزة الواي ماكس اولهم الوايرليس CPE http://www.ltt.ly/picture/1H625.png يوم 25-04-2010 التحديث والاجهزة هادو الفترة هادي مافيش منها في الشركة حاليا وقالوا رح يجيبوا منه بعد شهرين ممكن تحصل في الوكلاء بس اللي مخزنين منهم كمية كبيرة او اللي عندهم في الستوك تقريبا تلقوا في الوكيل متاع دات العماد بس اتصلت بيه من فترة قالي عندي مجموعة قريب بتم مشكلته مرات يفصل عليك الانترنت مرات الحل واحد من الاثنين تفصل خيط متاع المحول منه وتركبه مرة ثانية او تخش على الراوتر من الايبي متاعه 192.168.1.1 وتخش على واي ماكس وتدير ديسكونيكت يعني فصل وتدير كونيكت مرة ثانية باش تتوصل ويمشي حاله فيه اربع مخارج واير للنتورك يعني بالخيط وايرليس تقدر حتى يوصل عدد الاجهزة حتى 200 عادي USB اولا الجهاز الابيض http://www.ltt.ly/picture/BM325.png فيه منه الوان هلبا مرت عليا لكن نفس الجهاز مثلا : اللون اسود بالكامل وابيض وازرق وابيض بالكامل الميزة بأنه يشتغل بدون مصدر كهربائي العيب التغطية أحيانا فرق بسيط تأثر تأثير كبير ميزة الثانية يقدر يشتغل بيه يوزر واحد واكثر من جهاز مثلا : شريت جهازين يو اس بي انت دخلت بواحد وخوك الثاني دخل بالجهاز الثاني تقدروا الاثنين تتصفحوا المواقع وتنزلوا الابديت الاخير لازم تديره من شخص يعرف لانه يفرق بعدين السرعة رح تكون أفضل والتغطية افضلل لانه اللي جاي معاه السوفت وير قديم شوية وهده قائمة الوكلاء الاقرب ليك براله هدا الابديت الموجود في الموقع بس فيه واحد بعد هدا وهدا اليو اس بي الاول القديم ZTE TU-25 USB Modem http://www.ltt.ly/picture/TU25.png معاش جابت منه الشركة واللي لاحظته بانه فيه مشاكل هلبا وما فيش ابديت ليه تغطية تقريبا كويسة رغم من اني ما جربتاش كويس لانه قديم شوية ولكن يسخن بسرعة وينضرب بسرعةاعتبره وكانه فلاش ميموري وانضرب وفيه من نسخ ويندوز ما يخدمش عليها تقرييا ويندوز 7 هوم بريميور عربية ما خدمش معاها وما فيش تحديث ليه ZyXEL 206 M CPE زيكسيل او يقولوله الخلاط هدا أفضل نوعية http://www.ltt.ly/picture/Zyxel.png والفترة هادي في الشركة ما فيش الا هو ولو تركبله انتينا او انت تكون قريب من انتينا واي ماكس تشوف سرعة الداونلود توصل الى 400 كيلو بايت يعني سرعة بالهبل هدا تجربتي انا بس فيه ناس قالولي وصلت عندهم الى 500 - 600 كيلوا بايت قراب على الانتينا وفيه الابديت متاعه تاريخ 21.10.2009 ياخد من الوقت حوالي 15 الى 20 دقيقة ممل الابديت متاعه مشكلته انه ما فيش وايرليس لكن تغطيته قوية , والطوبو اللي في الوسط هو الانتينا طبعا خدمة VOIP مسكرينها قاعدة وفيه خيطين يطلعوا منه بس متاع نتورك بس تقدر تركبله سويتش ويطلع قداش ما تبي او تركبله وايرليس اكسيس بوينت ويمد الاشارة والنت للي تبيه ZTE 1600 CPE http://www.ltt.ly/picture/ZTE1600.png بصراحة ما خشليش راص وقليل لحد الان شفته يستعملوا فيه وما فيه حد شكره والتحديث متاعه يوم 3/11/2009 Quanta 9799 USB Modem http://www.ltt.ly/picture/Quanta9799.png من شركة الكاتيل كويس نوعا ما بس ما قابلنيش هلبا لانه معاش تجيب فيه الشركة وما فيش ليه تحديث والبرناج متاعه نزله من هنا http://img29.imageshack.us/img29/462...nointernet.jpg كانت فيه مشكلة في ويندوز سيفن وهي تتصل بالواي ماكس لكن ما يعطيكش انترنت ؟ يعني يطلعلك كونتيكتد لكن ما فيش انترنت تطلعلك في النتورك زي الصورة اللي فوق او مشابهة ليها والحمد لله لقيتلها حل ورح نحطه في المنتدى باش يكون المنتدى الوحيد او المتميز في المنتديات الليبية http://img.ampercent.com/post/share-...onnections.jpg أي سؤال أنا حاضر ================================================== ============== ADSL افضل نوعية ADSL من الشركة هي Huawei EchoLife HG552a http://www.ltt.ly/picture/HG552a.png بس جربت مودم 3com الصراحة سريع والمدى متاعه ممتاز شوف الموقع من هنا تقريبا نفس نوعية هدا http://www.3com.com/images/products/...wdr101a-75.jpg |
Libya Max ZTE TU-25 USB Modem
السلام عليكم وشكرا يا خوى على المعلومات
مشكلتى مع المودم Libya Max ZTE TU-25 USB Modem ماباش يخدم مع الويندوز 7 وكل مرة انحاول تشغيله الجهاز يطفى اللابنوب بروحه هل ممكن نستبدله من الشركة او اى حل اخر وشكرا جزيلا اخى الكريم:72: |
windwhisper
اسف على التاخير في الرد تقريبا تقدر تستبدله من الشركة بواحد ثاني وبعدين المشكلة انه ينطفى مرات من التعريف حاول تمسح التعريف الاول وبرنامج صله وتنزله مرة ثانية واحسن حاجة تمشي تشري الجديد 120 دينار وريح بالك بس لازم تجيب العقد معاك بالتوفيق |
السلام عليكم
عزيزى mad man عندى مشكلة ارجو مساعدتى فى حلها عندى واى ماكس مودم نوع zyxel قامو بعمل الاعدادات له فى الشركة وانا اقوم بايصاله بالكمبيوتر دون اى برامج او اعدادات ويعمل بشكل جيد منذ فترة تعطل فاخذته الى الشركة فقالوا لى معمول له reset واعادوا الاعدادات من جديد وعمل بشكل جيد ثم اكتشفت ان سبب reset من وصلة الكهرباء والان تكرر معى الامر واريد ان اعرف كيفية عمل الاعدادات لانى لااستطيع نقله للشركة واريد النت لامر عاجل ارجو ان اكون شرحت الامر بوضوح ولك جزيل الشكر والتقدير وانا انتظر اجابتك وارجو ان لا اكون اثقلت عليك |
اوكي اخي الكريم
افتح صفحة انترنت هدا بعد ما تعلق خيط النتورك في جهاز زيكسل وبعدين افتح صفحة انترنت وبدل ما تكتب اي موقع اكتب هادي بس 192.168.1.1 تطلعلك واحد فيها يوزر نيم وهي user والباسورد فاضية اكتب فيها 1234 http://img40.imageshack.us/img40/571...2010120007.jpg وبعدين تنفتحلك صفحة تقولك بالك تبي تغير الباسورد اختر منها Ignore http://img52.imageshack.us/img52/218...2010120140.jpg وبعدين ينفتحلك صفحة الصفحة هادي فيه كلمة Advanced اضغط عليها http://img339.imageshack.us/img339/2...2010120234.jpg http://img41.imageshack.us/img41/319...2010120308.jpg تلقى على اليسار Wan Configuration اضغط عليها http://img6.imageshack.us/img6/4049/24052010120340.jpg فيه فراغ تلقى بحداه اليوزر نيم مثلا madman@ltt.ly امسحه واكتب فيه اليوزر نيم اللي موجود في عقدك user name واللي تحتها الباسورد طبعا تكتب رقم العقد هدا في حالة انك ما غيرتش الباسورد رح يكون مثلا 2000020015447 بعدين أنزل لوطى تلقى كلمة Apply اضغط عليها واستنى شوية لين تطلعلك رسالة تقولك فيها سيكسوفيل فيها بطمة مكتوب تحتها Return اضغط عليها http://img194.imageshack.us/img194/8...2010123351.jpg رح ترجعك للصفحة متاع اللي فيها الاسم والباسورد فوتها فوق تلقى كلمة Status اضغط عليها واشبح لوطى في كلمة Wimax Status لو لقيت كلمة Operational يعني كل شي في السليم http://img266.imageshack.us/img266/2...2010120440.jpg ويخدم الانترنت على العموم نروح للحوش يا PC MANونديرلك شرح بالصور ان شاء الله السلام عليكم * |
السلام عليكم
مشكووووووووووووور :72::72: ياعزيزى mad man واشكرك على سرعة الرد الامور 100% اكرر شكرى |
الحمد لله
حنى في المنتدى نخدموا بعضنا في اي وقت حاضرين بالتوفيق pc man |
مادمان ممكن تقولى كيف طريقة قفل الوايرلس فى الواى ماكس
http://alfaris.net/up/58/alfaris_net_1274798413.jpg |
ZyXEL 206 M CPE
ما فيشي وايرليس =========== |
اريد تحديث الواى ماكسEchoLife BM626 WiMAX CPE وقد جربت الطريقه الموجوده فى الشركه لكن دون جدوه فارجو من يعرف الطريقه يمدنا به وله جزيل الشكر والعرفان
|
الشرح غدا بعون الله
في هدا القسم |
مجموعة استفسارات عن adsl
خوي MAD MAN بارك الله فيك على مجهودك الاكثر من رائع فى مساعدة الاعضاء و مواضيعك الرائعة انا اشتركت في خدمة ADSL و نبي منك (مشكوووور:72:) شرح لكيفية تركيب المودم و الاعداد و التعريف كيف نعمل كلمة مرور و كيفية تغييرها امتاع الوايرلس و انا مشترك جديد و مش عارف طريقة التركيب يعنى مش عارف شي بالنسبة لاجهزة ADSL:l7: نوع الجهاز : Echolife HG552a Huawei النظام : ويندوز اكس بي نوع الكومبيوتر: مكتبي و مشكووووووووووووور مرة ثانية:72: بانتظار ردك:l6: |
السلام عليكم
مادمان واضح من موضوعك انك خبير ماشاءالله تبارك الرحمن عليك ...انا عندي واي ماكس نوع zyxel او الخلاط (الترمس) المهم المشكله انه لما نعلق النت اللامبة تقعد تطفى و تولع متع التغطية شفت الحل لهذه المشكلة لقيته انه تعديل للباندويدث والترددات ..لكن الكارثة بعد ما شفت الصور اللي انت مرفقهم يبارك فيك, لقيت بعد ما ندخل علي wan configuration انه ال Tabs اللي اللي بجنب internet connection اللي هما wimax configuration و traffic redirect غير موجودات يعني ما نقدر ندخل علي اي وحدة منهم باش نعدل لانهم ببساطة مش ظاهرين ..فلو عندك فكرة او اي واحد من الشباب يدلنا علي الحل وبارك الله فيكم مقدما |
اقتباس:
وشكرا على كلامك الجميل الامبة لما تقدع تنطفى وتشلع وفيه تغطية متلا 3 لامبات والاخيرة ما فيش تقعد غير تنطفى وتشلع يعني احتمال كبير يكون 10 قيقا تموا او اليوزر نيم والباسورد اللي مدخلهم غلط , يقعد المودم يحاول يتصل بالسيرفر لكن يرد عليه السيرفر يقوله بانه غلط لدلك تقعد تشعل وتنطفى وبعدين ينطفوا حتى متاع التغطية ويعاود يتصل مرة تانية تقدر تشوف رصيدك من الموقع او تتصل بالرقم 116 على الارضي يقولك للغة العربية اضغط رقم 1 أضغط 1 يقولك ادخل رقم العقد ( دخل الرقم الطويل اللي بدايته 20000200 وكمل باقي الارقام زي اللي موجود في العقد ) بعدين يقولك أدخل الرقم السري ( دخل اخر اربعة ارقام من البطاقة الشخصية او الجواز سفر تلقاهم في الصفحة الاولى من العقد والافضل في الصفحة الثانية تلقاهم فوق اربعة ارقام ) بعدين يبدى يتكلم متاع البدالة اضغط رقم 2 بعدها أضغط رقم 2 مرة تانية ( يقولك رصيدك ..........)كدا قيقا بايت ولو قالك رصيدك صفر يعني تموا القيقات قبل ما يتم شهرك او ما فيش يوزر نيم وباسورد يعني احتمال حد دار للجهاز ريسيت وامتسحوا البيانات اللي فيه او درت أبديت وامتسحوا البيانات اللي فيه اما على الترافيك او البانديث دير صورة وارفقها في الموضوع ودير صورة من الواي ماكس اللي عندك لانه مروا عليا هلبا حتى الخلاط في الشكل فيه 2 نفس كل شي تقريبا ماعدى السوفت وير وفي الجهاز من اللبرة واحد عليه صورة LTT والثاني عليه صورة شركة Zyxel ان شاء الله قدرت نفيدك لو ما عرفتش كيف بره للوكيل متاع LTT اللي في قرقارش رح تلقاني غادي بحدى قاعة الشعب (دنيا المعلومات) |
اقتباس:
لاني ما شفتاش الا اليوم مش مشكلة بعون الله رح نديرلك شرح في اقرب فرصة بس اللي نعرفه في الجهاز هدا جاية معاه ورقة التعليمات كيف تدير وباسورد الوايرليس موجود في خلف الجهاز بس مزبوط مش مدايرين كيف تغير الباسورد الوايرليس تحياتي |
مادمان والله تعبتك معاي سامحني ...مشكور قبل كل شي عالرد لانه حسب حالة المنتدى متوقعتش الرد يجي بهالسرعة
أخي بالنسبة للرصيد تمام وانا ماشكيت الا لأنه فيه مشكلة احرف من إنتهاء الرصيد اني اللي عندي zyxel اللي مكتوبة عليه اسم الشركة الاصلية يعني zyxel لما تعلقه فيه اللامبة اللي فوق الانتينا تشعل و تطفى واللامبات من غيره فيه زوز تابتات يشعلو وحدة متع الباور والتانية متع الشبكة رقم 1 غيره مايشعل شي بالنسبة للإعدادات اهو ارفقتلك صورة لكن فيه واحد قالي انه المشكلة ممكن من الفيرموير متعه لاني منزل الجديد الاخير يعني ..وفيه الضبط اعتقد مدايرينه توماتيكي متع البانويدث والترددات باهي ...لذا ممكن واعتقد انه الحل حيكون في الفيرموير القديم رقم 2.1 أعتقد كان عندك الفيرموير الاخير والله تعمل فيا معروف مش عادي بكل لو ترفعه لاني قلبت الدنيا ومالقيتاش واهو صورتين وانت شوف http://img815.imageshack.us/img815/9144/10471228.jpg - http://img338.imageshack.us/img338/6832/89671557.jpg |
اهلا اخي الكريم
كويس انك ارفقت الصور رغم من انه عطلت معاك لكن مش مشكلة المهم ================= كلام صديقك اللي قالك من الفريم وير مزبوط لانه فيه جهاز جاني قبل نفس مشكلتك وكان من الفريم وير لانه جهازك من الدفعة الاولى القديمة ==================== السوفت وير اللي عندك V3.60(BQD.3)E0 | 09/29/2009 السوفت وير اللي عندي V3.60(BQD.3)E0 | 10/28/2009 تقريبا شهر بينهم بس الباين فيه تغييرات صايرة اللي تخلي الجهاز يتصل بالسيرفر بكفأة لو تبي الفريم وير الاخير نزله من هنا تنزيل الفريم وير لازم يكون متصل بالجهاز بالكابل ويبي صبر مرات يفعد 20 دقيقة او اكثر ==================== لاحظت الباسورد عندك متكونة من 9 ارقام او حروف الباين انه الباسورد يبدأ ب 103 تقريبا ولو كانت تبدأ بــ 20000200 معناها الباسورد ناقصة اللي حاطها في الجهاز ============== ارجو منك التجربة والرد ان كانت المعلومات أفادتك ام لا . ولو لقيت غير هدا قولنا على الحل اللي لقيته انت لو مش مدكور هنا حتى يستفيد اللي بعدك تحياتي |
والله عارف شني منقولك ...ربي يجازيك كل خير ...بالنسبة للرقم السري هو قاعد رقم العقد يبدا ب 100 ...المهم حتى اني قلت اكيد من الفيرموير الانه زي ما قتلك الاعدادات مهناش لانها معدلينها توماتيك...ان شاءالله غير الفريموير الجديد اللي اعطيتهولي تكون ظاهرة ...طبعا زي ماقتلك متصل بالمدار دايل اب وسرعة والله ما نحكيلك (يعاني الحي والله ) وبالنسبة للتجربة اكيد تكون غدوة في ولد صاحبي عنده الايكولايف ناخده منه وان شاءالله تزبط الدنيا
وغدوة اكيد تلقى ردي بخصوص الانطباعات او الحالة شن صار فيها و ان شاءالله يكون هالمنتدى للتعلم والتعارف وتبادل الخبرات بين خوتنا الليبيين ..بالنسبة ليا يا مادمان هدا المنتدى الليبي اللي ندور فيه ولقيته..هيجنا عند الخليج لين عيينا ومنور ومليون شكر ليك...وغدوه لقاءنا ان شاءالله سلام الله عليكم (((( لحظة اخ مادمان ,,,الفريموير اللي انت مستعمله مكتوب بتاريخ :V3.60(BQD.3)E0 | 10/28/2009 اللي اعطيتهولي من الموقع متع ال ltt بتاريخ 2009/21/10.. لو كان قاعد عندك في الكمبيوتر تديرله ابلود للرابيد شير ..ملاحظة الجهاز اللي عندي راهو القديم اللي مكتوب عليه zyxel)) |
ايه الشي هدا مزبوط زي ما قلت
على الفريم وير بس انا حاليا نخدم بالفريم وير اللي عندي وما فيشي اي مشاكل هدا علاش قتلك عليه اني نستخدم فيه توا يعني لو عندك قبل هدا الفريم وير احتمال كبير يكون منه وهو مش ديما ينزلوا في ابديت جديد كل مرة او كل سنة يعني احتمال اليوم نزل الفريم وير الاخير في جهازي ونقولك شنو صار وشنو الفرق والتغيررات غير عندي شوية حاجات نديرلها في داونلود وما نبيش نوقف الواي ماكس (ليونكس الاعجوبة + ليونكس يستخدم من قبل fbi) + ديسكات تعريفات الاجهزة + افلام وشوية مسلسلات تحياتي اخي الكريم وشكرا على الكلام الجميل والله فعلا يرفع الراس ويخلونا نعطوا اكثر واكثر |
اهلين خوي مادمان..
اني اليوم نزلت الفيرموير وجربته ..والقصة قاعدة زي ماهي نفس الرقم متع الاصدار قاعد ونفس المكشلة واصلا الفيرموير اهوا اللي اعطيتهولي نزله الولد وجربه قبلي وهو نفسه يعني اللي نازل في الجهاز..هذا كانه نازل لانه الملف اللي بداخل الملف المضغوط يختلف عن اللي مكتوب عليه فهمت الملف المضغوط اسمه Firmware_Zyxel_205M_21.10.2009 والملف اللي في داخله اسمه MAX206M2_3.60(BQD.3)E0(20926) ؟؟؟ كيف منعرف انه هو نفس الفيرموير وهو الاسم مختلف وكذلك طريقة الابديت تختلف عن ملف المساعدة اللي حاطاته ال ltt حيث انه الابديت يتم عن طريق الدوس مش عن طريق برنامج زي ما ظاهر في الملف الفلاشي متع ال ltt وكذلك ما عطلش التفلتيش متع اللامبات ممكن 15 دقيقة وقفت الاضاءة من رأيي يا خوي انه لو عندك الفيرموير اللي قلت عليه انك ترفعه لي على موقع معين واني نزله أعتقد انه هذا يحل المشكلة وسامحنا مرة تانية ...أخوك |
ان شاء الله
رح نديرلك شرح الابديت على الجهاز متاعي اليوم ونرفعلك اللي موجود عندي سلام |
اقتباس:
بارك الله فيك ان شاءالله يمشي تمام وفي إنتظار ردك القادم بعون الله |
مادمان مافيش داعي شرح عملية الأبديت غير بتضيع وقت وتعب ليك،بس انت ديرلي ابلود لهال 5 ميجا الفيرموير اللي عندك و نشوفو تشد أكيد
|
تحديث الواي ماكس Zyxel
السلام عليكم
طريقة تحديث الفريم وير للجهاز Zyxel او الخلاط أو المالقي هده الاسماء اطلقوا عليها خوتك الليبيين نزل الابديت من الموقع فك الملف على سطح المكتب رح يطلع الملف زي اللي في الصورة تخش على المجلد تخش على المجلد تلقى الملف اللي عليه الترس اضغط عليه مرتين تفتحلك الدوس واوامر غريبة هادي الاوامر عبارة عن تحديث للفريم وير عن طريق FTP وهدا شي يندار بروحه على العموم تشوف للجهاز تلقاه يشلع وينطفى اللامبات كلهم http://a.imageshack.us/img651/6408/zyxel06.jpg http://a.imageshack.us/img836/8083/zyxel07.jpg ومن هنا كان تبي تشوف الفيديو كيف يشلع وينطفى الجهاز هدا في شركة دنيا المعلومات من هنا تحميل الفيديو من هنا وهنايا بعد الابديت للجهاز وهدا أخر ابديت في موقع الشركة بس اللي لاحظته انه الفريم وير اللي جاي مع الجهاز الجدد 28/10/2009 واللي منزلاته الشركة في الموقع 29/09/2009 http://a.imageshack.us/img836/4607/zyxelorginal.jpg http://a.imageshack.us/img826/7485/zyxel09.jpg رح نحاول كيف نخش على جهاز زيسكل وناخد منه الفريم وير متاع شهر 10 ونحاول بعون الله نزله في المنتدى http://a.imageshack.us/img651/5459/image027a.jpg |
كود:
http://192.168.1.1/WAN_WiMAX_Frequency.htmlحط هدا اللينك في المتصفح *Mkoshar*رح تدخل على الصفحة اللي انت تبيها http://a.imageshack.us/img819/5658/66666x.jpg انا مغير في الترددات بما يناسبني بس في الاصل 3 الاولات 0 وبعدين من 11 - 19 قيمتهم 0 وتقريبا عارفك شنو رح تدير بالتوفيق |
مبدع يا خوي MAD_MAN عندى مشكلة بالنسبة لاتصال ADSL انا غيرت كلمة السر امتاع حساب ADSL بس بعد ما غيرتها لقيت ان الاتصال تعطل فاضطريت انرجعها باش ارجع الاتصال نبي منك خوي مشكووووووووووور تفهمنى كيف نغير كلمة المرور باعدادات المودم يعنى لما انغير كلمة المرور ما عادش يتعطل الاتصال نوع المودم :Echolife HG522a سؤال اذا عطلت الوايرلس عن طريق الموقع يقدر حد يسرق الاتصال او لا و ياريت توضحلى كيف نغير باعدادات الوايرلس بحيث ان ما فيش حد يقدر يلتقط المودم اذا شغلته يعنى ما يقدرش اي برنامج يكتشف المودم وقت انشغله و الف شكررررررررر ليك نعرف تقلتها عليك لكن الله غالب قاعد :l7: جديد على هالخدمة و انت ما شاء الله عليك ما تقصرررررررررش:72: و كل عااااام و الجميع بخيرررررررررررررر:lrs2: |
اقتباس:
شكرا على الكلام الجميل وبعن الله رح يكون شرح في المنتدى قريبا نحاول بقدر المستطاع اليوم ندير الشرح وكل سنة وانت طيب |
مشكور خوي مادمان على مجهوداتك الطيبة وبعون الله نلقو كافة الحلول ونساعدو الناس بقدر المستطاع حتى حني
وكل عام والجميع بخير مرة تانية^^ |
اني عندي اي دي اس ال باسورد الوايرلس ما يشتغل قالولي اعمل ريسيت كيف اعمله
|
اقتباس:
في بطمة في الخلف او في الجنب حسب نوع الجهاز البطمة هديكاي تدخل فيها يبرة أو خلال او اي حاجة رقيقة واقعد ضاغط عليها لمدة نقولو 12 ثانية رح يدير ريست الجهاز وترجع اعدادات المصنع خش على واحد من الشروح اللي مدايرها في المنتدى لنوع المودم متاعك وحط اليوزر نيم والباسورد وكل شي رح يكون تمام وتدير طبعا اعدادات الوايرليس تديرله باسورد سلام |
السلام عليكم
أنا عندي جهاز huawei bm 325 black:) .
ميبش يخش النت أبدا أبدا , يعني يدير كونيكتينق وبحت فقط مش كونيكت ويغير من إمتينا الي إمتينا و الاشارة من 22 الي -5 :19: ما يبيش كأن مش راضي بالاسم ولا الباسورد . الجهاز محدث وأموراا تمام التمام ,وفيه تغطية لان خوه يخدم بحداه:l7: و بالنسبة للرقم السري غيرناه بالمدار أكتر من مرة والاسم طبعا متبوع ب ltt.ly ومايبيش يخش علي e care طبعا يقولي الباسورد غلط والرقم السري نحس فيه صح "لأن كل من إنغير في الاسم تتغير المسج" يعني الباسورد غلط. يعني شن المشكلة وإلا هي الولد بيهبل. وشكرا |
الحمد لله.
الحمد لله باركولا الويماكس خدم أول ماكتبت الرد وجربنا مرة تانية خدم .:lrs2::):):):):):)
زيارة ونياره إنشاء الله . وشكرا للكل. |
السلام عليكم
خوى مد مان انى عندى نفس مشكله "*Mkoshar*" المودم متعى جايبه من برا ودرتله الاب ديت لكن مش طالعتلى اعدادت الواى ماكس ,والتردادت شوف هـ http://uploadpic.org/storage/origina...f4druef9ln.png لازم نعدل الفروكنسى باش يبدا يخدملى وتاريخ الاب ديت 09/29/2009 ياريت تشوفلنا حل * |
اقتباس:
مساء الورد اخي الكريم لما خشيت على الجهاز تلقى اليوزر نيم user الباسورد تكتب 1234 الحل شنو تدير تكتب اليوزر نيم admin والباسورد 1234 ديما خودها قاعدة لما تبي كامل الصلاحيات خش بيوزر الادمين بالتوفيق |
ممشاش الحال
ميخش الا بليوزر العادى user 1234 بس على قد ماجربت مافيش حل تانى وحتى بنغير الفريم وير ومبتش, نفتح فى ملف bat يفتح ويسكر ع الفاضى ؟؟؟؟ |
واخيراً انحلت المشكله
طلعت لاتعديل فرنكسى ولاشى دروت على هلبا حلول وواحد منهم طلع انك تقعد راس بطمت الريست لمدة 20 تانيه درتها وبعده ولات اموره ميه ميه والحمدلله منور خوى Mad وشكلى بنفتحو بزنس بيه مدامه خدم لانه سعره رخص التراب برا 30دولاار بس |
خلاص وهو كدلك
كلمني على الخاص وسعره 28 دولار تحياتي |
السلام عليكم ورحمة الله
لو سمحت يا أخوي عندي مشكلة بالواي ماكي متاعب أنا عندي ZTE TU-25 USB Modem و جربته عالويندوز 7 و ال xp..نفس النظام..من قبل مكانش عندي أي مشكلة بس بعد أخر سوفت وير ..صار الجهاز يشتغل لحوالي نص ساعة و بعدين يوقف ...مع أن البرنامج يقولي connected ... و الطريقة الوحيدة إلي تخليه يشتغل هيا إني ندير ريستارت للجهاز ...لو سمحت لو تعرف الحل قولي في أقرب وقت و مشكوور |
maaaaad maaaaaaaan please
عندي واي ماكس الأبيض الدائري اللي فيه اليو اس بي وخيطه ابيض قصير ..
المهم كان يشتغل ولعند توا يشتغل بس مؤخرا لما نفتح اللاب توب نبي نشغل الواي ماكس مايشتغلش ولما نفصله من اللاب توب ونرجعه مرات يشتغل ومرات ما يشتغلش شن السبب ؟؟؟؟ وللعلم غيرت اليو اس بي بواحد جديد ماصارش بس قالولي اكيد امحصل خبطة الخلل من الراس نفسه ؟؟ لو مارة عليك مشكلتي ياريت اتجاوبني ....... الف شكر |
مساء النور انا عندي نفس مشكله أيسم الفيتوري و لو انه اما يشبك النت رغم انه التغطيه حلو بالمره بس النت ضعيف بالمره و يفصل يا تره شو السبب شكرا |
| الساعة الآن 07:48 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd