adsl لا يعمل
السلام عليكم و رحمة الله و بركاته كيف الحال يا احلى اعضاء انشاء الله تكونو بخير انا عندى مشكلة باتصال adsl نوع المودم Echolife HG552a اول شئ الانترنت عندى ما يشتغلش من يوم الخميس بالليل كل ازرار المودم شغالين الا زر الانترنت لقيته مطفي شيكت عالخيوط التوصيل شفت حرارة الهاتف و لقيت كل شئ تمام و الرصيد ما زال ما كملش عملت reset للمودم و ما تغير شئ دخلت ع النت بانترنت المدار و حاولت ندخل على موقع 192.168.1.1 و ما بتش تنفتح الصفحة جربت الاكسبلورا و الفايرفوكس و نفس النتيجة اول ما نحط ارقام الموقع في المتصفح يطلع مربع يحتوى على جملة تطلب الخادم 192.168.1.1 الموجود في level_15_access اسم مستخدم وكلمة مرور يقعد يطلب في اسم المستخدم و كلمة المرور اكثر من خمس مرات نكتب في admin كل مرة و في الاخر تطلعلى الجملة 401 unauthorized و ما تفتحش الصفحة:( و لحد هذه اللحظة زر الانترنت لا يضئ و قاعد نستعمل في انترنت شفرة المدار:l6: ياريت حد عنده حل للمشكلة يقدر يفيدنى و يعطيكم الف الف عااااااااااااااااااااااااااااااااااافيه:72: :134: |
المفروض لما ما فيش نت يعني اول شي تديره تشوف رصيدك
وبعدين تتاكد من الحرارة وبعدين تشوف الخيوط راكبات مزبوط او لا وبعدين تشوف اعدادات النتورك متاع الجهاز ولما درتله انت ريسيت يعني كل الباسورد والاعدادات امتسحت يعني الافضل ترفعه للوكيل او مركز الصيانة او تدير صورة من الجهاز ونوع الويندوز والعلامة اللي تطلعلك وتصور حتى المودم والخيوط اللي راكبين موضح فيه كل شي بشكل افضل ورح نقولك كيف تدير خطوة خطوة توا اولا تصور المودم واللامبات اللي والعة عندك وبعدين صورة لرسالة الخطأ لما تخش على 192.168.1.1 يلا نستنوا فيك |
يسلموووووو خونا mad man توا جيتى من عند الوكيل قالى adsl معطل ليه يومين على كل المشتركين:l7::l7::l7: و مش معروف ايمتا يرجع النت يشتغل مشكووووووووووووووووور على تفااااااااااااعلك مع المشكلة و يعطيك الف عااااااااااااااااافية بس سؤال نطبق الاعدادات يلي في هذا الموضوع ( لان حسب ما قلتلى ان بعد ما عملت reset للمودم ان كل شئ امتسح ):( http://www.libyars.com/lrs/showthread.php?t=2115 لاعادة اعدادات السابقة للمودم و لا في شئ تانى :( :72: هذى رسالة يلي تطلع عندما احاول فتح الموقع 192.168.1.1 http://img835.imageshack.us/img835/1465/111nf.jpg |
username: admin
password :admin او user name: user password :user حاول ورح تدخل على اعدادات الانترنت الخاصة بالمودم ولو طلعتلك اي حاجة غلط دير صورة زي اللي فاتت وابعتها بالتوفيق |
adsl لايعمل
السلام عليكم
يا اخواني انا عندي مودوم دي اس ال من نوع sagem 2404 الاشارة الضوئية الي جنب اشارة الباور تضئ وتطفي باستمرار واشارة النت الي عليها العلامه @ لا تضئ ابدا مع العلم التليفون فيه حرارة ويستقبل ويرسل وحساب النت فيه رصيد والصلاحية تمام ارجو المساعده |
فري مان انت قلت شنو المشكلة لكن موضحتش شي للاسف زي اغلب الي يعرضو مشاكلهم هكي صعب نساعدوك
لازم على الاقل تقولنا كان يخدم و بطل ولا جديد مخدمش بكل و شنو درت و مادرت معاه حط صورة من الاعدادات متع جهازك و اي معلومة تساعد في حل مشكلتك موفق |
الساعة الآن 06:19 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd