حرفين فى الدنيا
ال (ح ) أولها
وال ( ب) ثانيها
ماأتغيرت أبدا
فى يوم معانيها

معروفه بين الناس
بالود والاخلاص
تقرب الغايبين
وترشدالتايهين
وتحول الاعداء
فى لحظه لحبايب
ساكنين وسط العين
وكلها حرفين

ال ( ح ) أولها
وال ( ب ) ثانيها
ودايما فى فعل الخير
حاضرها وماضيها
وما تزيد عن حرفين

ياما قلوب اتعذبت
واتفرقت لسنين
وياما بيوت اتحطمت
من واشى او حاسدين
و يوم ما عرفوها
وبصدق قالوها
اتصالحو الا ثنين
والسر فى الكلمه
انها حرفين
ال ( ح ) اولها
وال ( ب ) ثانيها
وماتغيرت فى يوم
ابدا معانيها