منتدى ليبياأرس - ماتقول عشت معاه لا جاورني ... للشاعر : نعيم الزوي.

يقول نعيم الزوي
تلاقيت ناوياه سبحان ما اذكرنى ... ما تقول عشت امعاه لاجاورنى.

جيت اصدافا

ما تقول وجهى فى زمانا شافا

قتلا مراحب يا جميل اوصافا

غايب عليا ليش ومهاجرنى

تما ايعاود فـــــى قديم املافا

طول وهو ساكت وما خبرنى

بعدها توارا او هزلى بكتافا

او تمتم كلام او راح ما عبرنى

جيت اقباله

توقعت نلــقــــى ود فاستقباله

مديــــت يدى ونا خذتنى حاله

والشوق عندى للدموع جبرنى

سألته على اسمــى ابكل دلاله

وندعــــــى عليه الله يذكرنى

فيا خزر عينه او جاوب لالا

الباين نسانى وفالغرام نكرنى