[جليسة البحر]

شد الرساله ياعزيز أقراها ..



فيها خبر للعين شن بكاها ...


إنت أللى إمبكيها .... من يوم عنها غبت ياناسيها ...


ولاجيت ولارنيت يوم عليها ....


راهى الرنه بالبلاش كراها ....


وحتى الرنه راه نرضوا بيها .....


رنة الغالى نعرفوا معناها ...


عليك رايفت مابا النوم إيجيها .....


تقول ترجعلي الغية معاها ....


جبنا أعذار قلنا إنغطو بيها .....


وشرحنا ظروفك كلها قلناها.....


بالك فى جيهة بعيدة ...


مهناك فيها تغطيه يلقاها ....


وبالك هرب من ناس مايبيها .....


إمسكر الهاتف شفرته نحاها ....


وبالك الشفره رايحه ناسيها ....


ولا باعها بأرقامها واسماها ....


قالت العين ... غالب الدمع عليها .....


كيف باعها وإحنا أسمانا فيها.....؟


شد الرساله ياعزيز أقراها .....


فيها خبر للعين شن بكاها

...