خان غلاي وقسمي لطه** ***خنجر بين اضلوعي حطه
ياجياب نبا فرقاهم** **ياريتك عديت معاهم
يا جياب نبا الغوالي** : **ياريتك ما قلت الوالي
هداهدود الي خبرها *** **جاب نبا العزيز قهرها
عزيز اقسامه ريح خريف** **ايطلطن ماتعرفهن كيف
جروح قبل بريانات ..... حطمت ياعزيز حياتهن
خليت ياعزيز غلاي ..... مدينة بلاسكان فاضية
سلام خاطري على العين .... تسيل وين لولاف يخطروا
طفيت نار شاطت نار ***كملت نار ياناري علي
سهي عليك ما طفاك ***اللي معاي يانار كابرك
علي شان زول عزيز ***عقال عيلتي كارهيني
غلا عزيز ما ننساه ***حتى لونفوني عيلتي
انتاق نجم وان الظهر ***ابقولي هنكي انهونهم
ايعاود اللي دفنوه *** اتصير هذي اولاهانو علي
سبايبه ياعين ---------غلا عزيز لو لاك ما رسم
اعزاز مالكين العقل ------ينساهم منامه ايجيبهم
العقل ما ينام الليل------سطير جرح لولاف سمره
العقل يا ابعاد الدار -----يمسى معاي ويبات عندكم
الدمع ما ايجلى الياس------ايزيدكن ارياف وتنعمن
طير غلاى اقتل من همه .....قبل ايراف بوه على امه
طير غلاى اقتل فى محه .....قبل ما يطلع للياس اينحه
طير غلاى اقتل فى روما..... حدفوله دوده مسمومه
الطير اللى قلتولى مات ......بناء عش ودار ادحيات
دلوعه من الجيل الصاعد .....هى تقرب وانا انتباعد