الواي ماكس واي علينا
WiMAX - Worldwide Interoperability for Microwave Access
تم تطوير المرحلة التانية لللكابل البحري طرابلس - مزارة المدة الي فاتت على اساس زيادة السرعة و الباندودت و طبعا في فترة التطور تم تحويل الانترنت على الكابل متع ليبيا تونس و هكي السرعة حتكون حالة زي ما شوفنا و قالو في القريب الله اعلم القريب امتى حيربطو
الاتصال بكوابل تانية زي كابل بريطانيا و الهند و اليونان و غيرها
بصراحة شخصيا ميهمنيش من يدير في التطوير الي يهمني ماشفت فية تطوير و السرعة قاعدة سلحفاة
المشكلة ان البنية التحتية اساسها ضعيف في المجال هدا و علية مش حنتوقعو جودة عالية زيد على دلك عدد المشتركين يتزايد بشكل كبير و الكل يشربو من طوبو واحد
زعما قداش حيتحمل؟ اكيد مش هلبة ولكن مش مهم المهم الجيوب تتحمل المبالغ الرهيبة الي جاية من الطوبوووووو