كان بودي إنديرك صاحب

[BLOODY ROAR]

كان بودي إنديرك صاحب***** تشيل معاي هم الزمان


لكن لقيتك ماتتصـــــــاحب **** ولا عندك للود مــــــكان


نحسابك صافي في النيه ****** صاحبي ونلوم عليــــــك


ماترضاش معاي السيئه ***** ومانرضاش العيبة فيك


وين لقيتك ماتســــــتاهل ***** سيبتك وأنت الخســـــــران


كان بودي تكون رفـــــــيقي ***** **على الحلوه والمره دوم


تصبى معاي في ساعة ضيقي ****** وتشيل معايا الهموم


أنا لقــــيتك ناوي على الخونه ******* والخاين مافيه امان



كان بودي تكون معايا ******* صاحبي و ماترضى تبديلي


مش انت تدوى في قفايا ***** ونسمع من غيرك يحكيلك


يا خساره ماصنت العشرة **** كيف تبي قلبي يطمان


كان بودي إنديرك صاحب***** تشيل معاي هم الزمان


لكن لقيتك ماتتصـــــــاحب **** ولا عندك للود مــــــكان

[BLOODY ROAR]

[جليسة البحر]

تسلموا قن كلمات رائعة

[مستر]

جميلة الأبيات


تسلم الأيادي

[BLOODY ROAR]

مشكورة جليسة ومستر على المرور

[BLOODY ROAR]

المشكله درته صاحب لكن لا شال معاى هم الزمان ولا عنده للود مكان

[ليبو]

قلبت علينا المواجع الدنيا مزال فيها الباهي تسلم خوي

[عبسي الحمديني]

مزبوط يا ليبو

محمد الفترة هادى يمر بظروف صعبة وماوقف معاه حد بالك هذا علاش قال هكى