ممكن مساعدة

[عبسي الحمديني]

ممكن اسهل طرق لتعلم البرمجة بالاحتراف من غير دورات

[MAD_MAN]

فيه ديسكات عربية وانجليزية
وانا ننصحك بالعربية
وفيه كتب

[الهلال]

برمجة و باحتراف و من غير كرسات؟ كيف دجي هادي !!!!!
على الاقل كرسات دسكات تقراهم في حوشك زي ما قال ماد مان

[BLOODY ROAR]

المشاركة الأصلية كتبت بواسطة الهلال

برمجة و باحتراف و من غير كرسات؟ كيف دجي هادي !!!!!
على الاقل كرسات دسكات تقراهم في حوشك زي ما قال ماد مان

كلام بادبوى واضح يا هلال هوه يبى موقع او لنكات تحميل لدروس تكون مفيده ليه كمبتدىء او مايبيش ايدير دورات لانه دورات الايام هادى كلها ماليهاش فايدة او اكيد بادبوى مجرب لهدا استبعد موضوع الدورات او قال من غير كورسات

[BLOODY ROAR]

باد بوى انى حاط دسكة تعليمه بالعربى لغة السى شارب شوف قسم تقنية المعلومات او شوف المواضيع القديمه حتلقاها او حتلقى اكثر من دسكة تعليمية وان شاء الله تستفيد

[عبسي الحمديني]

مشكور ين قن ومادمان علي الرد بوضوح
ونتمانلكم النجاح في حياتكم

[MAD_MAN]

المشاركة الأصلية كتبت بواسطة GUN

او مايبيش ايدير دورات لانه دورات الايام هادى كلها ماليهاش فايدة او اكيد بادبوى مجرب لهدا استبعد موضوع الدورات او قال من غير كورسات

كيف هذا ؟
درت كل الدورات ما تصلحش ؟
وانت أي دورة خشيت قولي يعني وممشاش حالها ؟ قولنا وكان هدا ما نمشوش للممكان اللي مشيتله !!
بس في اعتقادي بانه 80% من الدورات فيها فايدة
بس كل دورة مكلفة حسب أهميتها
وحسب الشخص اللي يعطي فيها
لانه فيه المتمكن منها ويعطيهالك بكل بساطة
وفيه اللي متمكن بس ما يقدرش يوصلك المعلومة
بس فيه المتمكن واللي يوصلهالك بكل بساطة لكن ما فيش استجابة من عقل الطالب يعني
من الصبورة الى كراسة الطالب بدون مرورها الى عقل الطالب Copy Paste

[BLOODY ROAR]

المشاركة الأصلية كتبت بواسطة mad_man

كيف هذا ؟
درت كل الدورات ما تصلحش ؟
وانت أي دورة خشيت قولي يعني وممشاش حالها ؟ قولنا وكان هدا ما نمشوش للممكان اللي مشيتله !!
بس في اعتقادي بانه 80% من الدورات فيها فايدة
بس كل دورة مكلفة حسب أهميتها
وحسب الشخص اللي يعطي فيها
لانه فيه المتمكن منها ويعطيهالك بكل بساطة
وفيه اللي متمكن بس ما يقدرش يوصلك المعلومة
بس فيه المتمكن واللي يوصلهالك بكل بساطة لكن ما فيش استجابة من عقل الطالب يعني
من الصبورة الى كراسة الطالب بدون مرورها الى عقل الطالب copy paste

اوكى انى نقولك بعض الامثلة على اساتده ودكاترة اليوم

فيه وحده فى معهد الرفاق دكتورة وانت عارفها مرة تعطى فى محاضرة قالت انه الاوفس نظام تشغيل

او فيه واحد فى ميزران يعطى فى دورات على الفوتوشوب نعرف 2 خشولها قاللهم يرسمو بيه فى الخرائط متاع الهندسة والبرش اللى هيا فرشة قاللهم لا هادى معناها صيغة الالوان


او فيه دورة فى الهضبة بـ1000دينار على اساس متاع ترى دى ماكس يعطى فيهم واحد ايمل عليهم ويقوللهم طبقو فى الحوش

لو بنحكيلك نقعد للصبح هدا طبعا من غير المبالغ اللى ياخدو فيها

[Softball]

خوي باد بوي بو بس تحدد شنو لغة البرمجة الي ترتحلها او ترغب في احترافها؟
و لا تبي بسي تتعلم مبادء البرمجة بصفة عامة؟

[عبسي الحمديني]

السلام عليكم ....
اني طالب تانوية تخصص علوم هندسية شهادة تانوية ..
الاسم: عبد السلام الحمديني
وبادن الله لو انجحت بنخش جامعة ...
نبي نتخصص برمجة واني قد ماحولت خاشيت مرة دورة في جنزور علي اساس مبادي واسسيات البرمجة تامة من اول يوم
هربت لان اولا لادوق ولا اخلاق تانيا مفروض في عملي تالتا صابورة و3اجهزة حاسب الي وخش طول علي الموضوع ماغير مايفهمك ...واني حقيقة امية الوحيدة الي نبيها ونحلم بيها ونتمانها توا اني نتعلم البرمجة +التصميم ...
لاغير فأارجو ا من االاعضاء الكرام الي يقدر اساعدني ميوخرش ...
هدا ايميلي random93s@yahoo.com
الي يبي ايراسلني يوم الجمعة بس لان اني بقيت ايام الاسبوع خدمة دركت من صباحا 2:30الي :2:30 ليلاا

السكنة سوق الجمعة الجكندي


فأرجوا المساعدة :وبارك الله فيكم