مهزلة وقمة السذاجة ..

مدينة العلم · 2011-09-25, 11:59 AM

بسم الله الرحمن الرحيم
السلام عليكم ورحمة الله وبركاته

اولا اني اسف علي الانقطاع علي المنتدي الفترة هذي كلها بس بجد كنت متابع جيد للمنتدي ..
ثانيا والموضوع الاهم اني فيه مواقف مرت عليا بعد تحرير طرابلس الحبيبة نرفزتني و بجد طلعتني عن طوري واعتقد ان اهم هذي المواقف صارلي في عين زارة بالقرب من مقبرة السدرة ؛ واللي صار كالاتي :-
طبعا بعد انقطاع الماء عن طرابلس اضطرينا انا نطلعوا من الحوش وامشينا لحوش عمي وقعدنا غادي لان فيه بئر المهم واني مقعمز قدام حوش عمي نشرب في فنجان قهوة في عقاب العشية ، وقفت عليا سيارة شفرليت بيضاء فيها شيباني وصار بيننا الاتي :-
الشيباني : انت ليش مقعمز هنا انت تسكن في اما حوش ؟؟
انا : نسكن في الحوش هذا واشرت علي حوش عمي
الشيباني : انت زليتني
انا : ايه زليتني
الشيباني : لعنة الله عليكم كلكم انتم وورفلة انتم السبب في دمار مصراتة الله لا تربحكم ( وسب لنا ديننا )
انا : التفت الي الجهة الاخري واني الدم يفور في دماغي
وقعد الشيباني يتكلم واني مش معبره ولاقايمه من ارضه المهم جاني من الجهة الاخري وقال : اني فلان بن فلان من بنغازي
انا : اني فلان بن فلان
الشيباني : خيرا انكلم فيك وانت مش معبرني ؟
انا : لان كلامك اعوج ونشهد بالله ان كلامك كله مردود عليك وما نيش قابل منه حتي كلمة ولولا انك في سن جدي كنت نعرف كيف نتصرف معاك
الشيباني : انت حرجت يا ليش سبيت زليتن ؟؟؟!!
انا : اكيد الناس اللي انت سبيتهم هادم هلي وناسي وعزوتي
الشيباني : لالا عادي حتي اني من سكان زليتن ونساباتي من زليتن وعادي نسب فيهم
انا : انفجرت بالغضب وقلتله لو كنت انت رضيت في نسابتك اني ما نرضي في ناسي وهلي اني سيدي هكي رباني
الشيباني : اهل زليتن هما اللي دخلوا الكتائب لمصراتة يعني هما السبب في اللي صار
انا : اسمع يا سي الحاج ريت حوشك هذا اللي قدامك هذا لو كان القذافي بيه قسما بالله يسوقك ( يضربك ) بالكف وبالمسواق ويخش لحوشك وما تقدر تقوله كلمة وهذا اللي صار لاغلب اهل زليتن وتربح رتزايد علينا ولا نزايدوا عليك
الشيباني : بارك الله فيك انك احترمت سني ونشهد بالله انك انسان محترم وباس علي راسي وقاللي سامحني

وهكي الشيباني امشي علي حاله بعد النقاش الحاد والاسلوب الجاف اللي هدرزنا بيه

وتوا بالله قولولي لما تجي وتسب مجموعة قبائل كان اغلبها مغلوب علي امره هذا شنو معناه بالله توا هذا مش شئ يحرق الدم .... استغفر الله العظيم واتوب اليه

وتوا نبي ارآئكم لو سمحتولي

BLOODY ROAR · 2011-09-25, 03:05 PM

فيه مثل قديم وانى ضده طبعا
اللى يقول 0 تفاحة فاسدة تفسد الصندوق كله)

الناس للاسف توة ماشية بيه على سبيل المثال

توة كلهم كارهين الهضبة وابوسليم على اساس انهم مؤيدين ولما تجى تشوف فيه هلبه كان معارضين والدليل بداية الاحداث لما كان صاير ضرب فى اجدابيا كانو فيه 3 من بوسليم فى الجبهة مع جماعة بنغازى لكن توة معاش يشبحو بيها توة الناس قاعده تبى اتدير زى ما قال القدافى بيديرو حرب قبائل واللى ينكر الشى هدا انسان جاهل بمعنى الكلمة او اعمى
وبعدين وين ماتمشى فيه المؤيد وفيه المعارض
انى من سكان سوق الجمعة والناس كلها واخده فكرة على سوق الجمعة انهم كلهم مؤيدين وهدا كذب انى فى شارعنا بس 8 عائلات تامة تبى معمر
وكذالك فى الهضبة فيه اللى يبى وفيه اللى مايبيش غير الناس على خاطر طلعو شباب مخلطه ومشو لباب العزيزية قالو انه كلهم مؤيدين المفروض مانحكموش هكى لانه بعض الشباب لا تمثل اهاليهم لانه حتى فى العائلات فيه المؤيد وفيه المعارض
وبعدين مش كلهم اللى مشو باب العزيزية من الهضبة وبوسليم فيه حتى من سوق الجمعة وشفتهم بعينى كيف ماشيين وشفتهم على التلفزيون وفيه من تاجوراء وعرادة والدهمانى والاغلبية بصراحة كانو يمشو على خاطر الحفلات والبنات من كثرة ماكانو مضغوطين

انى ضد انه نقول هدا زليطنى خاين ولا ورفلى خاين ولا غيره بالعكس لو بتجى تشوف ناس جت من الخارج باش تقرا فى مدارس تعليم القران فى زليطن والمشايخ اللى لا طلعتهم بنغازى لا غيرهم زليطن معروفة بالدين والعائلات المحترمة وهدا مش كلامى انى اسئلو الناس اللى قبل وشوفو

بعدين انى مش مقتنع بالثورة مئة بالمئة لا
لانى نشوف من جهة انها انقلاب عسكرى اكثر من انها ثورة بعدين شوفو الحال توة صح الناس بدت تطلع ومرتاحة
لكن الخنبة كثرة وفى المجالس تحديدا قبل الشوارع وهذا شىء مايختلفوش فيه اتنين كلنا عندنا عيون ونشوفو والانتقام العشوائى اللى صاير فى بوسليم واللى يقولى كذب مستعد نثبتله ونرفعه للناس اللى اولادهم انقتلو من غير شى الا لانهم من بوسليم

والله الا عار

الواحد كانه بيقعد يتكلم معاش يسكت من اللى صاير
انى عارف كلامى حيزعج البعض لكن شى طبيعى لانه كلام الحق وجاع

مشكور مدينة العلم لانك فتحت باب للحوار

BLOODY ROAR · 2011-09-25, 03:34 PM

قبل مانننسى بنقوللكم لغاية امس شدو 4 اشخاص على اساس ثورا ايداهمو فى الحياش ويخنبو

شدوهم تحديدا فى اولاد دياب وتقدرو تمشو تسئلو لو فيه حد مش مصدق انه الحكاية بدت اردميسة

لولو كاتى · 2011-09-27, 04:29 AM

اني معاك في كلامك وتوا نقولك علاش تصدقوا خوي فاتحه حسابه في مصرف في بوسليم لما مشي بيسحب حولوه لمصرف في الظهره لما مشي قالوله من بوسليم لا حولوه صلاح الدين نفس الشي صار شحطوهم في الشمس برا حتي الباب مبوش يفتحوه هدا علاش قتلك اني معاك وفي هلبا مواقف خاصه لسكان بوسليم

مدينة العلم · 2011-09-27, 02:53 PM

والله الا فرحت بردودكم وعجبتني
ويا لولو حتي حسابي في مصرف بوسليم الاهلي وفعلا
اللي قلتيه هذا اللي صار معاي بالتمام
لكن توا في اعتقادكم شنو السبيل لحل هذه المشكلة
اللي خلت الناس تنفر من بعضها وتزيد في الاحقاد ؟؟؟؟

اسعدني مروركم

dixie · 2011-09-27, 02:55 PM

يستر الله معليش توا القلوب مشحونه و النفوس متوتره ان شاء الله تفرج و ترجع المياه لمجراها الطبيعي

مدينة العلم · 2011-09-27, 03:11 PM

اقتباس:

المشاركة الأصلية كتبت بواسطة dixie

يستر الله معليش توا القلوب مشحونه و النفوس متوتره ان شاء الله تفرج و ترجع المياه لمجراها الطبيعي

ان شاء الله وزي ما قالوا الناس الاوله
شن نودلك يالاعمي قفة من العيون
شكرا علي مرورك

2011-09-25, 11:59 AM	#1
مدينة العلم رابد إعدادي تاريخ التسجيل: Jul 2010 الدولة: عروس البحر والنهر المشاركات: 71 معدل تقييم المستوى: 14	مهزلة وقمة السذاجة .. بسم الله الرحمن الرحيم السلام عليكم ورحمة الله وبركاته اولا اني اسف علي الانقطاع علي المنتدي الفترة هذي كلها بس بجد كنت متابع جيد للمنتدي .. ثانيا والموضوع الاهم اني فيه مواقف مرت عليا بعد تحرير طرابلس الحبيبة نرفزتني و بجد طلعتني عن طوري واعتقد ان اهم هذي المواقف صارلي في عين زارة بالقرب من مقبرة السدرة ؛ واللي صار كالاتي :- طبعا بعد انقطاع الماء عن طرابلس اضطرينا انا نطلعوا من الحوش وامشينا لحوش عمي وقعدنا غادي لان فيه بئر المهم واني مقعمز قدام حوش عمي نشرب في فنجان قهوة في عقاب العشية ، وقفت عليا سيارة شفرليت بيضاء فيها شيباني وصار بيننا الاتي :- الشيباني : انت ليش مقعمز هنا انت تسكن في اما حوش ؟؟ انا : نسكن في الحوش هذا واشرت علي حوش عمي الشيباني : انت زليتني انا : ايه زليتني الشيباني : لعنة الله عليكم كلكم انتم وورفلة انتم السبب في دمار مصراتة الله لا تربحكم ( وسب لنا ديننا ) انا : التفت الي الجهة الاخري واني الدم يفور في دماغي وقعد الشيباني يتكلم واني مش معبره ولاقايمه من ارضه المهم جاني من الجهة الاخري وقال : اني فلان بن فلان من بنغازي انا : اني فلان بن فلان الشيباني : خيرا انكلم فيك وانت مش معبرني ؟ انا : لان كلامك اعوج ونشهد بالله ان كلامك كله مردود عليك وما نيش قابل منه حتي كلمة ولولا انك في سن جدي كنت نعرف كيف نتصرف معاك الشيباني : انت حرجت يا ليش سبيت زليتن ؟؟؟!! انا : اكيد الناس اللي انت سبيتهم هادم هلي وناسي وعزوتي الشيباني : لالا عادي حتي اني من سكان زليتن ونساباتي من زليتن وعادي نسب فيهم انا : انفجرت بالغضب وقلتله لو كنت انت رضيت في نسابتك اني ما نرضي في ناسي وهلي اني سيدي هكي رباني الشيباني : اهل زليتن هما اللي دخلوا الكتائب لمصراتة يعني هما السبب في اللي صار انا : اسمع يا سي الحاج ريت حوشك هذا اللي قدامك هذا لو كان القذافي بيه قسما بالله يسوقك ( يضربك ) بالكف وبالمسواق ويخش لحوشك وما تقدر تقوله كلمة وهذا اللي صار لاغلب اهل زليتن وتربح رتزايد علينا ولا نزايدوا عليك الشيباني : بارك الله فيك انك احترمت سني ونشهد بالله انك انسان محترم وباس علي راسي وقاللي سامحني وهكي الشيباني امشي علي حاله بعد النقاش الحاد والاسلوب الجاف اللي هدرزنا بيه وتوا بالله قولولي لما تجي وتسب مجموعة قبائل كان اغلبها مغلوب علي امره هذا شنو معناه بالله توا هذا مش شئ يحرق الدم .... استغفر الله العظيم واتوب اليه وتوا نبي ارآئكم لو سمحتولي

2011-09-25, 03:05 PM	#2
BLOODY ROAR دكتور رابد تاريخ التسجيل: Mar 2010 الدولة: ليبيا المشاركات: 6,993 معدل تقييم المستوى: 21	فيه مثل قديم وانى ضده طبعا اللى يقول 0 تفاحة فاسدة تفسد الصندوق كله) الناس للاسف توة ماشية بيه على سبيل المثال توة كلهم كارهين الهضبة وابوسليم على اساس انهم مؤيدين ولما تجى تشوف فيه هلبه كان معارضين والدليل بداية الاحداث لما كان صاير ضرب فى اجدابيا كانو فيه 3 من بوسليم فى الجبهة مع جماعة بنغازى لكن توة معاش يشبحو بيها توة الناس قاعده تبى اتدير زى ما قال القدافى بيديرو حرب قبائل واللى ينكر الشى هدا انسان جاهل بمعنى الكلمة او اعمى وبعدين وين ماتمشى فيه المؤيد وفيه المعارض انى من سكان سوق الجمعة والناس كلها واخده فكرة على سوق الجمعة انهم كلهم مؤيدين وهدا كذب انى فى شارعنا بس 8 عائلات تامة تبى معمر وكذالك فى الهضبة فيه اللى يبى وفيه اللى مايبيش غير الناس على خاطر طلعو شباب مخلطه ومشو لباب العزيزية قالو انه كلهم مؤيدين المفروض مانحكموش هكى لانه بعض الشباب لا تمثل اهاليهم لانه حتى فى العائلات فيه المؤيد وفيه المعارض وبعدين مش كلهم اللى مشو باب العزيزية من الهضبة وبوسليم فيه حتى من سوق الجمعة وشفتهم بعينى كيف ماشيين وشفتهم على التلفزيون وفيه من تاجوراء وعرادة والدهمانى والاغلبية بصراحة كانو يمشو على خاطر الحفلات والبنات من كثرة ماكانو مضغوطين انى ضد انه نقول هدا زليطنى خاين ولا ورفلى خاين ولا غيره بالعكس لو بتجى تشوف ناس جت من الخارج باش تقرا فى مدارس تعليم القران فى زليطن والمشايخ اللى لا طلعتهم بنغازى لا غيرهم زليطن معروفة بالدين والعائلات المحترمة وهدا مش كلامى انى اسئلو الناس اللى قبل وشوفو بعدين انى مش مقتنع بالثورة مئة بالمئة لا لانى نشوف من جهة انها انقلاب عسكرى اكثر من انها ثورة بعدين شوفو الحال توة صح الناس بدت تطلع ومرتاحة لكن الخنبة كثرة وفى المجالس تحديدا قبل الشوارع وهذا شىء مايختلفوش فيه اتنين كلنا عندنا عيون ونشوفو والانتقام العشوائى اللى صاير فى بوسليم واللى يقولى كذب مستعد نثبتله ونرفعه للناس اللى اولادهم انقتلو من غير شى الا لانهم من بوسليم والله الا عار الواحد كانه بيقعد يتكلم معاش يسكت من اللى صاير انى عارف كلامى حيزعج البعض لكن شى طبيعى لانه كلام الحق وجاع مشكور مدينة العلم لانك فتحت باب للحوار __________________

2011-09-25, 03:34 PM	#3
BLOODY ROAR دكتور رابد تاريخ التسجيل: Mar 2010 الدولة: ليبيا المشاركات: 6,993 معدل تقييم المستوى: 21	قبل مانننسى بنقوللكم لغاية امس شدو 4 اشخاص على اساس ثورا ايداهمو فى الحياش ويخنبو شدوهم تحديدا فى اولاد دياب وتقدرو تمشو تسئلو لو فيه حد مش مصدق انه الحكاية بدت اردميسة __________________

2011-09-27, 04:29 AM	#4
لولو كاتى رابد خبير تاريخ التسجيل: May 2010 الدولة: ارض الله المشاركات: 2,380 معدل تقييم المستوى: 17	اني معاك في كلامك وتوا نقولك علاش تصدقوا خوي فاتحه حسابه في مصرف في بوسليم لما مشي بيسحب حولوه لمصرف في الظهره لما مشي قالوله من بوسليم لا حولوه صلاح الدين نفس الشي صار شحطوهم في الشمس برا حتي الباب مبوش يفتحوه هدا علاش قتلك اني معاك وفي هلبا مواقف خاصه لسكان بوسليم __________________ كل الأمور على مايرام في النهاية ، إن لم تكن كذلك ، فتلك ليست النهاية

2011-09-27, 02:53 PM	#5
مدينة العلم رابد إعدادي تاريخ التسجيل: Jul 2010 الدولة: عروس البحر والنهر المشاركات: 71 معدل تقييم المستوى: 14	والله الا فرحت بردودكم وعجبتني ويا لولو حتي حسابي في مصرف بوسليم الاهلي وفعلا اللي قلتيه هذا اللي صار معاي بالتمام لكن توا في اعتقادكم شنو السبيل لحل هذه المشكلة اللي خلت الناس تنفر من بعضها وتزيد في الاحقاد ؟؟؟؟ اسعدني مروركم

2011-09-27, 02:55 PM	#6
dixie رابد ثانوي تاريخ التسجيل: Nov 2009 المشاركات: 144 معدل تقييم المستوى: 15	يستر الله معليش توا القلوب مشحونه و النفوس متوتره ان شاء الله تفرج و ترجع المياه لمجراها الطبيعي