|
|
|
|
على الراغبين في الإنظمام الى فريق المنتدى كمشرفين يمكنهم مراسلة ال admin بالخصوص. |
2010-07-10, 12:31 PM
|
#1 |
|
رابد خبير
تاريخ التسجيل: May 2010
الدولة: ارض الله
المشاركات: 2,380
معدل تقييم المستوى: 18  |
ثــــلاثيــــات ليبيـــــــــــــة
ثلاثيات ليبيه ثلاثة يتمناهم الليبيين: السكن في طرابلس ... والعلاج في تونس ... والوصول لسن التقاعد. ثلاثة ما تحلمش بيهم : السفر للسياحة ... وتصيف مع عايلتك ... وكأس العالم في ليبيا. ثلاثة صعب نتخلى عنهم : الماء ... والهواء ... والبازين . ثلاثة لازم نتخلى عليهم : التفنيص ... والتلقيح ... والبني خارج المخطط . ثلاثة تسبب الإحباط : الواسطة ... و الديون ... والمنتخب الليبي . ثلاثة يرفعوا الضغط : الملح ... وزحمة المرور ... والعيل كان عشش . ثلاثة تسبب الغرور : الفيلا ... والهامر ... وبدلة الحرس البلدي . ثلاثة مايحبوهمش الليبيين: التعليم ... و المصريين ... والشبشب المقلوب. ثلاثة ما يرقدوش الليل : المديون ... والخانب ... وواحد نايضة عليه السوسة . ثلاثة شبه اختفوا من ليبيا : الدلاع الطويل ... واحترام الشيابين ... والفراشية . ثلاثة ما تحسش بطعمتهم الا في ليبيا : شاهي العاله... وامبكبة على الحطب ... والبورديم . ثلاثة تدعو لهم بالهداية : البلعوط ... والمحسدي ... واللي يشجع في نادي الوحدة. ثلاثة ما تستغربهمش في ليبيا : واحد قاص السريع على رجليه ... وواحد يسوق في الاتجاه المعاكسي ... ومتعين وعمره عامين. ثلاثة تتمنى ما تتصبحش فيهم : سواق افيكو مستعجل ... وطابور طويل في الشيل ... ومديرة المدرسة وفيدها عصا. ثلاثة ما تعرفش أمت تخشلهم : السجن ... والمستشفى ... ومكب القوى العاملة. ثلاثة ما ليهمش معنى إلا في ليبيا : العسلوز ... والزميطة ... والعصبان . ثلاثة ربي يفكك منهم : مجاري مفتوحة ... وكلب مطلوق ... ورشادةطايشة. ثلاثة إيدرو فيهم الليبيين بس : الهروب من الأحمر... والذفال على رأس بمبلي الغاز ... وتنفيض فرشة الماكلة من الروشن. |
|
|
|
2010-07-13, 10:02 PM
|
#2 |
|
رابد ثانوي
تاريخ التسجيل: Apr 2010
المشاركات: 181
معدل تقييم المستوى: 16 |
هههههههههههههههههههه يا تحفه
 |
|
|
|
|
2010-07-14, 11:41 AM
|
#3 |
|
رابد خبير
تاريخ التسجيل: May 2010
الدولة: ارض الله
المشاركات: 2,380
معدل تقييم المستوى: 18 |
ههههههههه انتى التحفه مشكورة hantana
__________________
كل الأمور على مايرام في النهاية ، إن لم تكن كذلك ، فتلك ليست النهاية |
|
|
|
|
2010-07-14, 05:20 PM
|
#4 | |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,991
معدل تقييم المستوى: 22 |
اقتباس:
ههههههههههههههه مشكور لورد موضوع جميل جدا مع انه قاريه قبل بس لمساتك على الموضوع زادت الموضوع روعة
__________________
 |
|
|
|
|
 |
|
|
