|
|
|
|
2010-09-14, 02:57 PM
|
#1 |
|
إن خانك من تُعزّ فلا تحزن
تاريخ التسجيل: May 2010
الدولة: سوق الجمعة
المشاركات: 2,799
معدل تقييم المستوى: 17  |
المعاكسات الهاتفيه
اليوم الاول
تليفون عصرانه ايرن ترن ترن ترن عصرانه :الو.من معايا؟ عاشور:معليش هذا تليفون علي؟ عصرانه:لالا غلطان عاشور: سامحينى اسف عصرانه:لا عادى :121: اليوم التانى ترن ترن عصرانه:شنو الرقم البارد هذا سكنلى انرد وخلاص: الو اسمع ومش قلنالك غالط شنو تبى اخره؟ عاشور: مانبي الا كل خير انفجعت عصرانه وسكرت التليفون فى اليوم الثالث عاشور سكن ردت عصرانة:مش قلنالك غالط وآخرتها معاك شنو تبي؟ عاشور: اسمعي يابنت الناس انتي عجبتيني خشيتى خاطرى سبحان الله من غير مانشوفك حتى اسمى عاشور ونبى نتعرف عليكي :shades: عصرانة: عليك كذب عدي...اكذب على غيرى مسرع ما حبيتنى وين يا(لكن في نفس الوقت قلب عصرانة قعد ايدق من الفرح) انا ماعنديش ثقة في الشباب انتو كلكم كذابين اتكسدوا عالبنات عاشور :لالا انتى هكى غلطتي فيا انا مش زيهم صوابع ايديك مش زي بعضهن شنو كذب كلمه كبيره انا الكذب ما انحبش بكل (على اساس) يعنى اسمعى يا بنت الناس انا حبيتك من صوتك كانك مش مصدقتينى خلاص توا الدقيقه هذى نمسح رقمك (رعشت عصرانة) وقالت: لالا لا باهى انتعرف عليك اصلا انت شكلك محترم عاشور :وانتى شكلك بنت ناس فى اليوم الرابع ترن ترن عصرانه:خير يا عاشور كيف حالك عاشور :الحمدلله كيف حالك انت قولي يا عاشور انت تعرف بنات من قبل ؟؟ عاشور :بنات شنو ؟؟ تي انا انتحشم من ظلى والله انتى اول وحده انا الجو هذا ما نعرفش بكل ولا عمرى درته عصرانه:مش خايف يطلع شكلى شين عاشور:الشكل مش مهم المهم الاخلاق الجمال جمال الروح وحتى كان طلعتي شينة انا راضي بيك بعد اسبوع عاشور:اسمعي ياعصرانة انا نبي انشوفك امعش نقدر انتحمل توا معقولة الفترة هذي كلها انكلم فيك وانا مش عارف شكلك (تي هو طشة اسبوع) (وهنا يبدا عاشور في جو التلسين) انا بصراحة اندور في بنت الحلال وراتبي 200 دينار ونبني فوق هلي :icon_mrgreen: (ردت عصرانة فرحانة):باهي وكان ماعجبتكش؟؟ عاشور:تي يا مسكينة عيب الكلام هذا..انا قلتلك حبيتك وقصدي شريف لكن هذا ظلم ما قالش بيه ربي انا مرات انشوفك في الشارع مانعرفكش عصرانة:خلاص بكرة انتلاقوا بكرة في الجامعة  اليوم الموعود ناض عاشور من الفجر وهو ايفتلك في روحه خذا لبسة من دولاب احميدة خوه مع شوية جل مشا الجو ..أجر سيارة احميدة ب10 دينار عصرانة تستنا وتحلم المسكينة اللي ماشي واللي جاي اتعلق عينها عليه (ازعمك هالطرف هذا هو) :105: وهنا يوصل عاشور عاشور: الو ... عصرانة:ايوه..وين قاعد؟ عاشور : انا قاعد في سيارتي اللانسر السودة عصرانة : انا قاعدة امقابلتك ... شفتني؟ عاشور : اللي لابسة الزيتي؟ يلقنه مشاالله عليك (جو تزليط) عصرانة: لالا ... انا اللي لابسة الاسود عاشور انفجع المسكين (شينة بكل مع انه صوتها سمح) نزل وجه اصفر سلم عليها وعفس عصرانة في حيرة وتخميم ازعمك عجبته ولا ماعجبتش؟ انشاالله انكون عجبته ياربي :g: باهي كنه امعش كلمني احسن حاجة خليني انكلمه وانشوف عصرانة:الو ... وينك ياعاشور عاشور: اهو قاعد غير امي قاعدة في المستشفى وما فضيتش بكل (بدا في جو التوزيع) عصرانة: باهي انشاالله لاباس عليها(انشغلت علي حماتها) عاشور ايفكر توا كيف نبي انوزعها الحصلة هذي ياعليك حصلة سودة وبخت اسود بعد شوية رن تيليفون عاشور عاشور : ايوه عصرانة: كيف حالك وكيف حال امك؟( تحلم المسكينة) عاشور: اسمعي يا عصرانة امي تعبانة بكل ونبي انشيلها لتونس بالفلوس اللي قبل نبي نزوزك بيهن كان جاك ولد حلال وافقي وماتستنينيش انتي تستاهلي كل خير انشاالله ربي ايقوي نصيبك انتي عجبتيني ومش حنلقا خير منك لكن الله غالب انا بختي عطيب عارفه (فلم هندي) وفي النهاية عاشور غير رقمه وتستمر الحكايه وممكن ايصير العكس مثلا عصرانه هى اللى تتصل بعاشور وادير روحها غالطه القصه هذى تحكى عن واقعنا الليبى وعن ظاهرة المعاكسات الهاتفيه...و رايكم هل ممكن تنبنى حياه وتتأسس اسره عن طريق الموبايل والمعاكسه وشنو نتائج المعاكسات ؟ وهل حيكون في احترام بين زوجين تعرفوا عن طريق التيليفون؟!!!!!!!!! م ن ق و ل
__________________
 نعيش كالبحر .. ونموت وأعماقنا كأعماقه .. لا يراها إلا من يجيد الغوص فيها كما يغوص الغواص في البحر |
|
|
|
2010-09-14, 03:07 PM
|
#2 |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
 of course not
__________________
 |
|
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| المعاكسات في العمل | BLOODY ROAR | مواضيع عامة | 6 | 2010-07-26 04:07 PM |
